|
|
|
Styttist í jólin
|
Á jólunum er gleði og gaman, fúmm fúmm fúmm. Ég og Ljósálfur höfum haft það gott undanfarna daga, verslað jólagjafir, föndrað kort, farið í bátsferð og á safn, og labbað bæinn þveran og endilangan. Það er verra að pabbi hefur helmingi meira úthald en ég í að skoða búðir og labba, ég heimta kaffihús mjög svo reglulega ;-) Ég ætla að opna kaffihús þegar ég er orðin stór til að fá einhvern tímann allan þann pening sem ég hef sett í kaffihús til baka, gæti heitið Kaffi Karenína - uhumm mjög frumlegt.
Í gær kvaddi ég Camillu vinkonu en hún er að flytja aftur til Svíþjóðar, ótrúlega erfitt að sjá á eftir henni. Alltaf jafn skrítið að eignast yndislega vini en hafa þá nálægt sér í svona stuttan tíma, en ég þakka fyrir að hún er "mín megin" á jörðinni, ætti ekki að vera mikið mál að skreppa til Svíaríkis af og til. Heimkoma eftir 2 daga, hlakka svo til að sjá ykkur =) |
|
|
|
Jólamjálm
|
Helgin í París var æðisleg, en að sama skapi mjög skrítin. Ótrúlega undarlegt að koma svona aftur eftir langan tíma. En yndislegt að sjá fólkið mitt og rölta um borgina, það jafnast ekkert á við París :-) En nú er kátt á hjalla heima hjá Karenínu, pabbi kom í gær og við komum svo saman heim í næstu viku. Ætlum að hafa það gott á jólamarkaðnum og túristast um Strasbourg. Það er kannski kominn tími til að BYRJA að kaupa jólagjafir og senda út jólakortin. Þessir litlu kettlingar bíða svo eftir okkur á Íslandinu, jiminn hvað þeir eru dúddóttir. Það eru komnar nýjar myndir, frá fyrstu helginni í des og frá París. Góða helgi og ekki jólast yfir ykkur ;-) |
|
|
|
París
|
Langþráður draumur rætist eftir 3 tíma, ég legg af stað til Parísar. Það eru 5 ár síðan ég sá fólkið "mitt" þar og mína yndislegu borg. Er ekki að trúa að ég sé loksins að fara!! Ég mun m.a.s. sofa í gamla herberginu mínu. Gæti verið frekar ringluð þegar ég vakna í fyrramálið - voru þessi 5 ár bara draumur? Er ég kannski ennþá 19 ára? hahaha Hlakka mest til að sjá börnin sem voru 8 og 10 ára síðast en eru núna orðnir unglingar! Ég ætla mér að halda coolinu þegar ég hitti þau en ekki tapa mér í geðshræringu - einmitt. Góða helgi þið öll.
Komnar inn myndir frá því að Grétar var hérna =) |
|
|
|
Borg Ljósanna
|
Mikið er ég glöð að það sé föstudagur, síðasta vika hefur verið crazy. Ég er að spá í fara aldrei út á vinnumarkaðinn, maður hefur ekki einu sinni tíma til að eyða peningunum sem maður vinnur sér inn!! tíhíhí ;-) Síðasta helgi (eina sem ég geri á þessu bloggi er að vitna í helgarnar!) var eins og við mátti búast meiriháttar, ef ég ætti eina ósk sem yrði að vera eigingjörn, myndi ég vilja geta stoppað tímann af og til. Hefði alveg verið til í að helgin myndi aldrei enda. Við brölluðum margt skemmtilegt, auðvitað var aðallega jólast í bænum enda Strassborg búin að breytast í jólaborg. Við höfðum aldrei séð annað eins! Þvílík ljósadýrð og jólamarkaðir út um allan bæ.
Ég á svo von á Önnu Heiðu minni í kvöld :-)Hún ætlar að vera alla helgina og auðvitað verður djammað og jólast. Gummi, Hildur og Brynjar Örn koma líka á morgun. Ekki verra að hafa sinn eigin jólamarkað sem laðar að yndislega gesti! Það eru komnar myndir frá Brussel - make your way here. Gleðilega aðventu og jólaglöggist eins og þið getið =) |
|
|
|
