Margt sem hefur á daga mína drifið síðan síðast. Ferðin til Sviss var æðisleg, við vorum í fjallakofa í 2000 metra hæð í einni fjallshlíð Alpanna og útsýnið á svölunum to die for flott. Það mætti halda að ég komi frá Danmörku en ekki Íslandi - mér leið eins og Heidi sem elskaði fjöllin þar sem afi hennar bjó hahaha. Það var ekki hægt að slíta augun af þeim. Skemmtunin náði samt sem áður að yfirbuga útsýnið, endalaust borðað, sötrað gott hvítvín, dansað og farið í leiki og labbitúra. Mér tókst m.a.s að láta uppáhalds lagið mitt verða lag helgarinnar! Já maður hefur ýmis áhrif tíhíhí.
Svona til að milda áfallið við að byrja erfiða vinnuviku eftir helgina var bónus kvöld á mánudaginn í tilefni af kveðjupartý þýsks starfsnema, Juliu. Í tilefni af því að veturinn er nýkominn til Strasbourg var sumarþema, allir mættu í sumarfötum og hitinn í íbúðinni var hækkaður uppúr öllu valdi. Margir sumardansar teknir :o) Jæja til að tryggja að dagskráin mín verði yfirfull af skemmtilegum ferðalögum þá ætla ég til Brussel um helgina, ég og Anna Heiða ætlum að heimsækja Hönnu okkar og vill svo skemmtilega til að Hanna á afmæli á laugardaginn. Hlakka mikið til að sjá stelpurnar mínar og hina einu sönnu höfuðborg Evrópu ;-). Það eru komnar myndir frá Wurzburg ferðinni og fleiri myndir á leiðinni. Getið smellt á þessa mynd til að stækka hana. Yfir og út til ykkar mín kæru. |
