Síðustu dagar hafa verið æðislegir. Ég er búin að fá skemmtilegar heimsóknir hingað í Breiðholtið, Inga og Árni komu á þriðjudag og Begga og Pétur á miðvikudag. Alveg meiriháttar að sjá þau =) Um kvöldið var svo matarboð hjá tengdafólkinu mínu, yndislegt að sjá þau öll. Ég er búin að kíkja í heimsókn til Önnu og Tjörva sem var æðislegt, við skötuhjúin mikið búin að sakna þeirra í sumar. Truflaði aðeins Rannveigu ritgerðarsmið, mjög gaman að sjá hana og ef einhver skilur ritgerðar-álag þá er það ég! Keflavíkurferðin með Erlu Dögg frænku var mjög vel heppnuð, hitti m.a. sætu nýju frændsystkinin mín Þórunni og Ívar. Áttum líka yndislegt kvöld hjá Írisi uppáhalds frænku. :c)
Í gær var svo dúndur dagur - byrjaði snemma í smá sýnikennslu í ráðuneytinu, fór svo í lunch með Önnu Heiðu og Dröfn. Ég og Anna ákváðum svo að vera svolítið menningarlegar og rölta af einu kaffihúsi á annað og skáluðum í smá hvítvíni ;-) Þaðan lá leiðin í afmælið hans Arons sæta, frábært afmæli og miklar góðar veitingar. Um kvöldið kíktu svo Ingibjörg, Inga og Helga í heimsókn, vá hvað var mikið spjallað! Æðislegt að sjá þær skvísurnar. Í dag er svo STÓRI síðasti dagurinn, á von á Hönnu Valdísi, Söru og Dröfn í hádegis-heimsókn og svo er það brúðkaup Gumma og Hildar yibbee. Á morgun er svo ferðalag, mikið óskaplega get ég ekki beðið að komast heim til Grétars míns, þrátt fyrir yndislega Íslandsferð. Það er sko ekki eins gaman neins staðar án hans ;-) Afsakið fjöldann af lýsingarorðum í þessu pósti hehe ;c) |
